Жаңалықтар

21.11.2020

«Көмекtimes» мектеп мектепке әдістемелік қолдау көрсету мақсатында жүргізіліп отырған бағдарлама.
Бүгінгі таңда аталған бағдарлама аясында Шымкент қаласы «Дарынды балаларға арналған №1 мамандандырылған ІТ лицей-интернаты» «№106 Қайнарбұлақ» жалпы орта мектебіне тьюторлық көмек көрсету жұмыстарын ұйымдастыруда. Педагогтердің кәсіби құзыреттілік деңгейі мен педагогикалық шеберліктерін шыңдау мақсатында мектеп ұстаздарымен бірнеше шеберлік сағаттары ұйымдастырылып, өткізілуде.

11.11.2020

Көмекtimes бағдарламасы аясында шығармашылық топ ұстаздары #106 Қайнарбұлақ жалпы орта мектебінің ұстаздарымен өзара пікір алмасу жұмыстарын жүргізіп, әдістемелік көмек көрсетудің басым бағыттарын анықтау мақсатында мектеп мұғалімдерінің арасында сауалнама өткізді.

04.11.2020

4-қараша 2020 жылы лицей-интернатымыздың «Адал ұрпақ» еріктілер клубының мүшлерімен «Адалдық сағаты» өткізілді. «Адалдық сағатының» қонағы болып Шымкент қаласы бойынша «Адалдық алаңы» сыбайлас жемқорлыққа қарсы жобалық кеңсесінің ұйымдастырушысы, қазіргі таңда Түркістан қаласындағы «Туристерге қызмет көрсету «Сапар» орталығының» директоры Төлебаев Ерасыл Әшірбайұлы қатысты. Кездесу барысында адалдық, адамгершілік, еліміздің біртуар азаматтарының Отан алдындағы еңбектері туралы айтылып, болашақ жастар үшін кеңестер берілді. Сондай-ақ, қонағымыз өмірлік тәжірибесімен бөлісіп, өмір бойы білім алу қағидасынан ауытқымай, ел болашағы үшін ерінбей еңбек етуге шақырды.
Клуб мүшелері өздерінің ойларында жүрген сұрақтарын қойып, Алаш азаматтарының асыл ойларын ортаға салды.
Кездесу соңында оқушылар батыр бабаларымыздың ақыл-өсиеттеріне адал болатынтығын жеткізіп, қонағымызға өз алғыстарын білдірді.

28.09.2020

Білімі мен біліктілігі, талабы мен таланты ұштасқан жас ақын, мектебіміздің 9 сынып оқушысы Мизенбай Жанна ALASH ONER ORDAсының ұйымдастыруымен өткізілген өнер додасында жүздің жүйрігі атанып, өнерпаздардың алды болған «АРНАУ» номинациясында Махамбет Өтемісұлына арнап жазған арнауы бойынша бас жүлдені иемденді. Жанна алдағы уақытта Нұр-Сұлтан қаласында өтетін жобаның Халықаралық фестиваліне 50% жеңілдікпен қатысатын болады.
Жаннаның жетекшісі: Жетенова Гүлмира Қасымқызы

28.09.2020

Мектебімізде оқушылар арасында ерекше идеяларды ұсынуға бағытталған TEDx ұйымдастырылды.
Мақсаты — оқушылардың тілдік құзіреттіліктерін дамыту. Оқушылардың жұмысына баға берер қазылар алқасы ретінде Елена Пападоулу, Лео Веридиано және Селин Мэри атты шетелдік эксперттер қатысты.

21.09.2020

Жапония мемлекетінің Кикути қаласында орналасқан Kitchen Language мектебімен бірлесіп өткізілген телекөпірден көріністер.

Қабылдау комиссиясы
Банерлер
Резюме жіберу
Шымкент қаласы білім басқармасы
Дарынды балаларға арналған
№1 мамандандырылған IT лицей-интернат